Transcription
1
Monsieur, jay receu voz deux lettres don la
2
première je l’aye faict tenir à monsieur d’Exea
3
mon beau père. Mais pour vous advertir
4
de ce que j’ay entendu sur le faict de quoy
5
mescriviez, les gens de monsieur d’Exea
6
estant en ceste ville m’ont donné à entendre
7
que ses malheureuses canailles qui ont meurtry
8
mon beau-frère, font profession de la religion
9
prethendue reformée, combien quil est à croyre
10
quilz n’ayent point de religion car silz
11
en eussent eu quelcune, ilz neussent pas
12
offencé un qui leur havoit saulvé le gibet
13
à cause d’une vollerie nocturne et furt quil
14
avoyt faict à mondit beau père qui, pour ce
15
regard les poursuivyt long temps pardevant
16
le viceneschal de robbe courte de Valentinois
17
soubz l’auctorité duquelz ilz furent long temps
18
emprisonnez et fussent estez condemnez (selon
19
leurs merites) sans lintercession de mondit
20
beau frère, quil fit tant envers son père
21
quenvers ledit sieur viceneschal jusques à faire
22
declaration quil lavoit faict faire luy mesmes
23
par le moyen de laquelle ilz furent mis
24
[v°] hors de procez, mais seulement condennez aux
25
despans (quest tout ce, monsieur, que je scay de ce
26
faict là) Et la fin de la presente par mes
27
humbles recommandations à votre bonne grace,
28
après vous avoir très affectueusement remercier
29
de la bonne souvenance qu’avez de nous.
30
Monsieur je supplie le Createur qu’en parfaicte
31
santé, vous donne heureuse vie longue. De
32
Grenoble, et à votre maison, ce vingtroisieme
33
d’aoust M Vc LXII [sic]
34
Vostre serviteur bien humble
35
Françoys Bovier